व्हॉट्सअॅपचा जगभरात कोट्यवधी लोक वापर करतात. तसेच व्हॉट्सअॅप सर्वात प्रसिद्ध मेसेजिंग अॅप आहे. व्हॉट्सअॅपमध्ये लागोपाठ नवीन फीचर्स येत आहेत. फेसबुकची मालकी असलेल्या व्हॉट्सअॅप युजर्सला चांगली सेवा देता यावी यासाठी नवीन नवीन अपडेट जारी करण्यात येते. सेफ्टी, खासगी यासारखे असंख पर्याय या अॅप्समध्ये आहेत. व्हॉट्सअॅपमधील एक फीचर ब्लॉकिंग आहे. जर तुम्हाला कोणी मेसेज करून त्रास देत असेल तर तुम्ही त्याला ब्लॉक करू शकता. म्हणजेच तो तुम्हाला मेसेज पाठवू शकत नाही. किंवा तो तुमचे व्हॉट्सअॅप स्टेट्स किंवा प्रोफाईल पिक्चर पाहू शकत नाही. जर तुम्हाला माहिती करायचे की आपल्याला कुणी-कुणी व्हॉट्सअॅपवर ब्लॉक केले आहे. हे जाणून घेण्याची अधिकृत सोय नाही. परंतु, काही टिप्स आहेत. या टिप्सच्या मदतीने तुम्ही हे जाणून घेऊ शकता. जर एखाद्या युजरने तुम्हाला ब्लॉक केले असेल तर या स्टेप्स फॉलो करून तुम्ही ही माहिती करून घेऊ शकता….
व्हॉट्सअॅपवरचा हे जाणून घेण्याचा सर्वात सोपा उपाय म्हणजे तुम्ही तुमच्या व्हॉट्सअॅपमधील विंडोच्या वर दिलेल्या युजरचे लास्ट सीन किंवा तो ऑनलाइन आहे की नाही, हे चेक करू शकता. युजर आपली प्रायव्हसी सेटिंग बदलू पण शकतो. परंतु, हे इंडिकेटर आहे. ज्यातून तुम्हाला संकेत मिळू शकतात. व्हॉट्सअॅपवर दिवसभरात हजारो मेसेज धडाधड पडत असतात. काही अनोळखी लोक सुद्धा मेसेज पाठवत असतात. आपल्याला कुणी ब्लॉक केले हे लवकर समजत नाही.
जर तुम्हाला एखाद्या युजरने व्हॉट्सअॅपवर ब्लॉक केले तर तुम्ही त्या युजरच्या प्रोफाईलवर जाऊन त्याची प्रोफाईल पिक्चर बदलली आहे का हे तपासू शकता. जर तुम्हाला त्या युजरने ब्लॉक केले असेल तर तुम्हाला त्या युजरची प्रोफाईल पिक्चर बदललेली दिसणार नाही. तुम्हाला त्याची प्रोफाईल पिक्चर तीच दिसेल जी त्याने शेवटी तुमच्यासोबत चॅट केली होती. जर खूप दिवसांपर्यंत प्रोफाईल पिक्चर बदललेली दिसली नाही की शक्यता आहे. तुम्हाला त्या व्यक्तीने ब्लॉक केले असल्याची.
जर एखाद्या नंबरने तुम्हाला ब्लॉक केले असेल तर तुम्ही पाठवलेल्या मेसेजनंतर तुम्हाला केवळ एक चेक मार्क दिसेल. याचाच अर्थ असा होतो की, त्या युजरने तुम्हाला ब्लॉक केले आहे. कारण, तुमचा मेसेज त्या युजर पर्यंत पोहोचलाच नाही. ब्लॉक केल्यानंतर कितीही मेसेज पाठवले तरी ते मेसेज त्या व्यक्तीपर्यंत जात नाही. त्यामुळे नेहमी केवळ एकच चेक मार्क दिसते. मेसेज पाठवल्यानंतर काही तासांनंतर सुद्धा तुम्हाला केवळ एक चेक मार्क दिसत असेल तर समजून जा तुम्हाला त्या युजरने ब्लॉक केले आहे.
जर तुम्हाला एखाद्या कॉन्टक्ट नंबरने ब्लॉक केले असेल तर तुम्ही त्या नंबरवर व्हॉट्सअॅप कॉल करू शकणार नाहीत. इंटरनेटवरून व्हॉट्सअॅप कॉल करण्याचा कितीही प्रयत्न केला तरी त्या युजर पर्यंत तुमचा कॉल जाणार नाही. व्हॉट्सअॅप जात नसेल तर समजून जा की, त्या युजरने तुम्हाला त्याच्या फोनमध्ये ब्लॉक केले आहे. रिचार्ज व्हाऊचर्स संपल्यानंतर अनेक जण आपल्या फोन यादीतील अनेक जणांना पर्याय म्हणून व्हॉट्सअॅप कॉल करत असतात.
नेटवर्क प्रॉब्लेममुळे हे सर्व माहिती करू घेण्यास आपल्याला मदत होते. परंतु, इंटरनेट नसेल आणि तुम्हाला ब्लॉक केले आहे की नाही तपासण्यासाठी आणखी एक पर्याय आहे. तुम्ही एक व्हॉट्सअॅप ग्रुप तयार करा. व त्या युजरला त्या ग्रुपमध्ये अॅड करण्याचा प्रयत्न करा. जर ती व्यक्ती ग्रुपमध्ये अॅड होत नसेल तर त्या व्यक्तीने तुम्हाला ब्लॉक केले आहे, असे समजून जा. जर तुम्ही अॅड करायला गेलात तर तुम्हाला ‘you are not authorized to add this contact’हा मेसेज दिसेल.
Gadget News in Marathi: Computer, Mobile, Auto News in Marathi | Maharashtra Times
