जगभरात कोट्यवधी लोक व्हॉट्सअपचा वापर करत आहेत. तसेच सर्वात जास्त प्रसिद्ध मेसेजिंग प्लॅटफॉर्म म्हणजे व्हॉट्सअॅप आहे. व्हॉट्सअॅप मध्ये अनेक फीचर्सचा वापर अनेक जण करतात. परंतु, काहींना व्हॉट्सअॅपच्या सर्व ट्रिक्स माहिती आहेत तर काहींना माहिती नाहीत. अनेक जण केवळ व्हॉट्सअॅप वापरतात. त्यांना यातील बऱ्याच ट्रिक्स माहिती नाहीत. या ट्रिक्सच्या मदतीने तुम्ही एखाद्या एक्सपर्ट्सप्रमाणे केवळ चॅटिंग करत नाही तर तुम्ही अशा काही फीचर्सचा वापर करू शकतात. जे फीचर्स तुमच्या अॅपमध्ये मिळत नाहीत. व्हॉट्सअॅप कॉल रेकॉर्ड करण्यापासून ते स्टेट्स व्हिडिओ डाऊनलोड करण्यापर्यंत आणि चॅट लपवण्यापर्यंत यासारख्या ट्रिक्स आम्ही तुम्हाला आज सांगणार आहोत. जर तुम्ही दररोज व्हॉट्सअॅपचा वापर करीत असाल तर तुमच्यासाठी या ट्रिक्स खूप फायदेशीर आहेत. जाणून घ्या खास ट्रिक्सविषयी….
जर एखाद्यालार व्हॉट्सअॅपवर मेसेज पाठवायचा असेल तर त्याचा नंबर सेव्ह करावा लागतो. त्यामुळे विनाकारण, त्रास सहन करावा लागतो. यात वेळही जातो. परंतु, नंबर सेव्ह न करताही त्या व्यक्तीला मेसेज पाठवता येऊ शकतो. त्यासाठी फोनच्या ब्राऊजर अॅपमध्ये जा. https://api.whatsapp.com/send?phone=91XXXXXXXXXX लिंकला सर्च बारमध्ये पेस्ट करा. लक्ष, द्या. XXXXXXXXXX या ठिकाणी नंबर टाका. ज्या व्यक्तीला आपल्याला मेसेज पाठवायचा आहे. त्यानंतर ओपन होणाऱ्या विंडोमध्ये तुम्हाला मेसेज लिहिलेला दिसेल. यावर टॅप करताच तुमचा व्हॉट्सअॅप ओपन होईल. त्यानंतर नंबर सेव्ह न करताच तुम्ही मेसेज पाठवू शकाल.
जर तुम्ही कुणाला मेसेज करीत असाल आणि तो डिलिव्हर होत नसेल तर याचे दोन कारणे आहेत. पहिले म्हणजे समोरची व्यक्ती बिझी असेल आणि त्या व्यक्तीचा डेटा ऑफ झालेला असेल. किंवा त्या व्यक्तीने तुम्हाला ब्लॉक केले असेल. व्हॉट्सअॅपवर कुणी ब्लॉक केले आहे की नाही, ही माहिती छोट्या-छोट्या कारणांचा शोध घेतल्यानंतर लक्षात येते. सर्वात आधी त्या व्यक्तीच्या प्रोफाईल फोटो आणि स्टेट्स दिसत नाही. त्यामुळे कदाचित त्यामुळे त्या व्यक्तीने तुम्हाला ब्लॉक केल्याची शक्यता आहे. तुम्ही पाठवलेला मेसेज डिलिव्हर होईल. परंतु, त्या व्यक्तीपर्यंत पोहचणार नाही.
अँड्रॉयड डिव्हाईस किंवा आयफोनवर व्हिडिओ कॉल्स रेकॉर्ड करण्याचे तुमच्याकडे अनेक कारणे असू शकतात. जर तुम्हाला असे करायचे असल्यास अँड्रॉयडवर CubeCall Recorder अॅपची मदत घेऊ शकतात. याला सेटअप केल्यानंतर कॉल करू शकतात. जर या अॅपला Widget दिसत असेल तर तुमचा कॉल रेकॉर्ड होत आहे. आयफोनला लाइटनिंग केबलच्या मदतीने Mac ला कनेक्ट करावे लागेल आणि Mac वर QuickTime ओपन करावे लागेल. त्यानंतर फाईलमध्ये जावून New Audio रिकॉर्डिंगवर टॅप करावे लागेल. QuickTime मधील रेकॉर्ड बटनाच्या खाली अॅरोवर क्लिक केल्यानंतर आयफोन सिलेक्ट करा. त्यानंतर कॉल करा.
जर व्हॉट्सअॅपवर चुकून कोणतेही व्हॉट्सअॅप चॅट किंवा मेसेज डिलिट झाले असतील तर ते पुन्हा रिस्टोर करू शकतो. यासाठी अँड्रॉयडवर तुम्हाला व्हॉट्सअॅप अनइन्स्टॉल करावे लागेल. त्यानंतर पुन्हा इन्स्टॉल करावे लागेल. त्याच नंबरवरून सेटअप करा. या ठिकाणी तुम्हाला गुगल ड्राईव्हचा बॅकअप रिस्टोर करण्याचा पर्याय मिळेल हे रिस्टोर करताच तुम्हाला तुमची चॅट किंवा मेसेज परत मिळतील. जर तुम्ही व्हॉट्सअॅप चॅट्स बॅकअप गुगल ड्राईव्हवर घ्यायची नसेल तर तो फोन फाईल मॅनेजरमध्ये जावून व्हॉट्सअॅप फोल्डर ओपन करा. या ठिकाणी डेटाबेस फोल्डरमध्ये जाऊन msgstore.db.crypt12 फाइलचे नाव बदलून msgstore-newest.db.crypt12 हे करा. आता अन्य दुसऱ्या बॅकअप फाईलचे नाव बदलून msgstore.db.crypt12 हे करा. व्हॉट्सअॅप अनइन्स्टॉल केल्यानंतर पुन्हा सेटअप करताना तुम्ही याच रिस्टोर करू शकाल.
व्हॉट्सअॅपवर मेसेज पाठवल्यानंतर त्याला डिलीट करण्याचा पर्याय मिळतो. जर चुकून एखादा मेसेज गेला असेल तर त्या मेसेजला डिलीट करण्याची सुविधा कंपनीने दिली आहे. परंतु, जर तुम्हाला डिलीट झालेले मेसेज वाचायची असतील तर WhatsRemoved+ अॅप डाउनलोड करावे लागेल. अॅप ओपन केल्यानंतर तुम्हाला अॅप्सची यादी दिसेल. यात व्हॉट्सअॅप सिलेक्ट करा. त्यानंतर व्हॉट्सअॅप आलेले सर्व मेसेज आणि नोटिफिकेशन या अॅपवर स्टोर होतील. याप्रमाणे युजर मेसेज डिलिड झाल्यानंतरही या अॅपमध्ये ते सर्व मेसेज दिसतील. हे अॅप थर्ट पार्टी अॅप आहे, हे ध्यानात ठेवा.
व्हॉट्सअॅप स्टेट्स मध्ये युजर्संना फोटो आणि व्हिडिओ शेअर करता येते. परंतु, २४ तासांनंतर ते डिलीट होतात. जर तुम्हाला कुणाचा फोटो सेव्ह करायचा असेल तर तुम्ही स्क्रीनशॉट घेऊ शकतात. परंतु, स्टेट्स व्हिडिओ डाऊनलोड करण्यासाठी या ट्रिकची मदत घेऊ शकतात. आपल्या फोनमधील फाईल मॅनेजरमध्ये जा. त्यात Show hidden file पर्याय ऑन करा. त्यानंतर व्हॉट्सअॅप फोल्डर ओपन करुन मीडिया फोल्डरमध्ये जा. या ठिकाणी statuses फोल्डर दिसेल. याला ओपन करा. या ठिकाणी सर्व स्टेट्स दिसतील जे तुम्ही व्हॉट्सअॅपवर पाहिले आहेत. जो व्हिडिओ तुम्हाला सेव्ह करायचा आहे. त्याला सिलेक्ट करा. दुसऱ्या फोल्डरमध्ये कॉपी करा आणि ते स्टेट्स तुमच्या फोनमध्ये सेव्ह होईल.
व्हॉट्सअॅप अँड टू अँड एनक्रिप्शन ऑफर करीत आहे. याचाच अर्थ तुमची चॅटिंग नेहमी सुरक्षित असते. जर कोणी तुमच्या फोनमधील व्हॉट्सअॅप मेसेज चेक करायला गेला तर ती चॅट लपवण्याची सुविधा आहे. सर्वात सोपी गोष्ट म्हणजे कोणत्याही चॅटवर टॅप करा. त्यानंतर याला आर्काइव करा. यामुळे चॅट विंडो मध्ये दिसणार नाही. त्यानंतर चॅट अनहाईड केल्यानंतर सर्वात खाली पर्यंत स्क्रॉल करा. Archived सेक्शनमध्ये जाऊन चॅटवर लाँग टॅप करा. त्याला अन आर्काइव करा. जर कोणी तुम्हाला मेसेज केला तर आर्काइव असूनही चॅट सर्वात वर दिसेल. त्यानंतर तुम्ही व्हॉट्सअॅपला फिंगरप्रिंट किंवा फेसआयडीने लॉक करू शकता. दुसरा युजर तुमचे मेसेज किंवा चॅट वाचू शकणार नाही.
Gadget News in Marathi: Computer, Mobile, Auto News in Marathi | Maharashtra Times
