Friendship Day 2022: रक्ताच्या नात्यांव्यतिरिक्त आणखी एक नाते प्रत्येकाच्या आयुष्यामध्ये खास असते, ते म्हणजे मैत्री. अगदी शाळेपासून ते ऑफिसपर्यंत… प्रत्येक टप्प्यावर आपली अनेकांशी ओळख होत असते. यातीलच काही ओळखचे रुपांतर घट्ट मैत्रीमध्ये देखील होते. मित्र-मैत्रिणींशी आपण प्रत्येक गोष्ट शेअर करत असतो. अशाच या मैत्रीच्या नात्यासाठी दरवर्षी ऑगस्ट महिन्याच्या पहिल्या रविवारी फ्रेंडशिप डे (Friendship Day 2022) साजरा केला जातो. यावर्षी हा दिवस ७ ऑगस्टला साजरा केला जाणार आहे. फ्रेंडशिप डे च्या (Friendship Day 2022) निमित्ताने तुम्ही जर तुमच्या मित्र-मैत्रिणींना गिफ्ट देण्याचा विचार करत असाल तर इयरबड्स हे चांगले पर्याय ठरतील. बाजारात अगदी कमी बजेटमध्ये चांगले इयरबड्स उपलब्ध आहेत. अगदी ५ हजार रुपयांच्या बजेटमध्ये तुम्ही OnePlus, Oppo, JBL आणि Realme सारख्या कंपन्यांचे बड्स खरेदी करू शकता. Friendship Day 2022 ला गिफ्ट देण्यासाठी हे चांगले पर्याय आहेत. या बड्सविषयी सविस्तर जाणून घेऊया.

​Realme Buds Air 2

realme-buds-air-2

Realme Buds Air 2 ची किंमत फक्त ३,२९९ रुपये आहे. या बड्सला तुम्ही व्हाइट, रोज गोल्ड, ब्लॅक आणि ग्रीन कलर व्हेरिएंटमध्ये खरेदी करू शकता. रियलमीच्या या बड्सच्या फीचर्सबद्दल सांगायचे तर यात अ‍ॅक्टिव्ह नॉइज कॅन्सिलेशनचा सपोर्ट मिळतो. यात २५ तासांचा प्लेबॅक टाइम दिला आहे. तसेच, Realme Buds Air 2 मध्ये स्मार्ट वियर डिटेक्शन आणि कॉलिंगसाठी ड्यूल माइक नॉइस कॅन्सिलेशन सारखे फीचर्स देखील यात मिळतात.

वाचा: Amazon वर सुरू झाला खास सेल, चक्क निम्म्या किंमतीत मिळतायत शानदार टीव्ही; पाहा डिटेल्स

​OnePlus Bud Z

oneplus-bud-z

OnePlus Bud Z ची किंमत २,९९९ रुपये आहे. या बड्सला तुम्ही व्हाइट आणि ग्रे अशा दोन कलर व्हेरिएंट्समध्ये प्रमुख ई-कॉमर्स साइट्सवरून खरेदी करू शकता. हे स्टीव्हन हँरिंग्टन व्हेरिएंटमध्ये देखील उपलब्ध आहेत. OnePlus Bud Z च्या फीचर्सबद्दल सांगायचे तर यात २० तासांचा प्लेबॅक टाइम मिळतो. तसेच, पाणी आणि धुळीपासून सुरक्षेसाठी बड्सला आयपी५५ रेटिंग मिळाले आहे. यात फास्ट चार्जिंग टेक्नोलॉजीचा देखील सपोर्ट दिला आहे.

​Oppo Enco W51

oppo-enco-w51

Oppo Enco W51 इयरबड्ससाठी तुम्हाला ४,९९० रुपये खर्च करावे लागतील. हे प्लोरल व्हाइट आणि स्टाररी ब्लू कलर व्हेरिएंटमध्ये उपलब्ध आहेत. प्रत्येक इयरबड्समध्ये २५mAh ची दमदार बॅटरी दिली आहे. तर चार्जिंग केसमध्ये ४८० एमएएचची बॅटरी दिली आहे. सिंगल चार्जमध्ये या बड्सला तुम्ही अनेक तास वापरू शकता. तर, ANC फीचरसह २० तासांचा बॅटरी बॅकअप मिळेल. Oppo Enco W51 हे डस्ट आणि वॉटर रेसिस्टेंट आहेत.

वाचा: तुमच्या फोनमध्ये 5G चालणार की नाही? असे घ्या जाणून

​JBL C115TWS

jbl-c115tws

JBL C115TWS इयरबड्सची किंमत ३,९९९ रुपये आहे. हे एकमेव ब्लॅक कलरमध्ये येतात. JBL च्या या बड्सच्या स्पेसिफिकेशन्सबद्दल सांगायचे तर यात २१ तासांचा प्लेबॅक टाइम मिळेल. तसेच, ट्रू बास साउंड आणि ५.८ एमएमचे डायनॅमिक ड्राइव्हर्स दिले आहेत. यात कनेक्टिव्हिटीसाठी ब्लूटूथ सपोर्ट मिळेल. तुम्ही जर मित्र-मैत्रिणींना फ्रेंडशिप डे ला गिफ्ट देण्याचा विचार करत असाल तर JBL C115TWS इयरबड्स हा एक चांगला पर्याय आहे.

​OnePlus Buds Z2

oneplus-buds-z2

या लिस्टमधील OnePlus चे हे दुसरे इयरबड्स आहेत. OnePlus Buds Z2 ची किंमत ४,९९९ रुपये आहे. या बड्सला तुम्ही ओब्सीडियन ब्लॅक आणि पर्ल व्हाइट रंगात खरेदी करू शकता. वनप्लसच्या या बड्समध्ये ANC फीचरचा सपोर्ट मिळतो. हे फ्लॅश चार्ज आणि डॉल्बी व्हिजन सपोर्टसह येतात. एकदा चार्ज केल्यावर चार्जिंग केससह ३८ तास या बड्सचा वापर करू शकता. OnePlus Buds Z2 मध्ये ब्लूटूथ कनेक्टिव्हिटीसह अनेक शानदार फीचर्स दिले आहेत.

वाचा: Wi-Fi स्लो चालत आहे? स्पीड वाढवण्यासाठी फॉलो करा ‘या’ सोप्या टिप्स

Gadget News in Marathi: Computer, Mobile, Auto News in Marathi | Maharashtra Times

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here