तुमच्या मोबाइलवर एखादा एचडी चित्रपट डाऊनलोड करायला किती वेळ लागतो, असं विचारल्यानंतर साहजिक प्रत्येकांच्या तोंडून दहा-पंधऱा मिनिटे किंवा त्यापेक्षा थोडा जास्त वेळ असं उत्तर येऊ शकते. परंतु, जर तुम्हाला सांगितलं की, अवघ्या एका सेकंदात १००० हून अधिक एचडी चित्रपट डाऊनलोड केले जाऊ शकतात. तर तुमचा त्यावर विश्वास बसणार नाही. तुमचाच कशाला कुणाचाच बसणार नाही. परंतु, हे खरोखर घडलं आहे. अवघ्या एका सेकंदात हजारांहून अधिक चित्रपट डाऊनलोड तेही एचडी. एका रिसर्सने असे करून दाखवले आहे. जगातील सर्व रेकॉर्ड मोडित काढले असून ऑस्ट्रेलियाच्या रिसर्चर्सला जी इंटनरेट स्पीड मिळाली आहे. ती तब्बल Tbps म्हणजेच टेराबाईट प्रति सेकंद आहे. ही स्पीड इतकी जास्त आहे की, केवळ एका मिनिटात ४२ जार जीबीहून अधिक डेटा डाऊनलोड केला जाऊ शकतो. नवीन वर्ल्ड रेकॉर्ड ४४.२ Tbps स्पीडचा बनला आहे. जाणून घ्या काय सविस्तर…
स्पीड किती जास्त होता. हे समजून घेण्यासाठी आपण आपल्या फोनच्या किंवा कम्प्यूटरवर मिळणाऱ्या डेटाच्या स्पीडवर एक नजर टाकूयात. १ मेगाबाईट मध्ये १० लाख युनिट्स डिजिटल इन्फॉर्मेशन असतात. चांगल्या ब्रॉडबँड कनेक्शनमधून १०० Mbps ची टॉप स्पीड मिळते. म्हणजेच एका सेकंदात १०० Mb डेटा मिळतो. मोबाईल डेटा किंवा वायरलेस कनेक्शनमधून हा स्पीड १ Mbps पेक्षा कमी असतो. रिसर्चर्सला जो स्पीड मिळाला आहे. तो Tbps इतका मोठा आहे. म्हणजेच एक टेराबाईट मध्ये १००० अब्ज युनिट डिजिटल इन्फॉर्मेशन इतका आहे. म्हणजेच किती तरी पट अधिक.
जर टेराबाईट प्रति सेकंदात इंटरनेट स्पीड मिळत असेल तर एका सेकंदात १००० GB डेटा डाऊनलोड करता येऊ शकतो. जो स्पीड रिसर्चर्सला मिळाला आहे. तो तब्बल ४४.२ Tbps इतका आहे. याचाच अर्थ रिसचर्सने एका सेकंदात ४४,२०० GB डेटा डाऊनलोड केला आहे. सोप्या भाषेत समजून घ्या. तुमच्या ६४ जीबीच्या मोबाइलमध्ये कितीतरी गाणे, व्हिडिओ, फोटो सेव्ह केले जाऊ शकतात. या स्पीडवर ५१२ जीबी स्टोरेजचे ८६ हून अधिक स्मार्टफोन आणि २५६ जीबी स्टोरेजचे १७२ हून अधिक जास्त स्मार्टफोनचे स्टोरेज फुल केले जाऊ शकतात. हे सर्व करण्यासाठी केवळ एका सेकंदाचा वेळ लागतो. यावरून या स्पीडचा अंदाज बांधा.
मायक्रो कॉम्बच्या मेलबर्नच्या विद्यापीठातील कॅम्पसेसला जोडणाऱ्या नेटवर्कमध्ये प्लांट करण्यात आले होते. एका नाण्याच्या आकारा इतका छोटा मायक्रो-कॉम्ब इन्वेट करणाऱ्या स्विनबर्न विद्यापीठाचे प्राध्यापक डेविड मॉस यांनी सांगितले की, याच्या मदतीने बँडविदची डिमांड पूर्ण केली जाऊ शकते. मोनाश विद्यापीठातील डॉक्टर बिल कॉरकोरने सांगितले की, ही आमची केवळ एक छोटीशी झलक आहे. जी पुढील दोन किंवा तीन वर्षात इंटरनेटसाठी मोठे काम करणार आहे. यामुळे अनेक पट वेगाने इंटरनेट स्पीड मिळणार आहे. तसेच इंटरनेटमधील सर्व काम डोळ्याची पापणी बंद होई पर्यंत मोठ मोठी कामे झालेली पाहायला मिळतील.
ब्रिटनची एवरेज ब्रॉडबँड स्पीड ६४ मेगाबाईट प्रति सेकंद आहे. रिसर्चर्स ने हा रेकॉर्ड मायक्रो कॉम्ब नावे एक सिंगल चिपच्या मदतीने बनवला आहे. जो सध्याच्या टेलिकॉम हार्डवेअरच्या ८० लेयरर्सला केवळ एका छोट्या चिपमधून रिप्लेस करून देतो. एक्स्पर्ट्सने म्हटले की, होम वर्किंग, स्ट्रिमिंग आणि सोशल लाइजिंगची डिमांड वाढवता येऊ शकते. तसेच नवीन टेक्नोलॉजी सेल्फ ड्रायव्हिंग कार, मेडिसिन आणि एज्युकेशनच्या सेक्टरमध्ये याची फार मोठी मदत होईल. या नवीन स्पीडने अनेक कामे काही सेकंदात पार पडतील.
Gadget News in Marathi: Computer, Mobile, Auto News in Marathi | Maharashtra Times
