स्मार्टफोन इंडस्ट्रीमधील वाढत्या स्पर्धेचा सर्वात जास्त फायदा युजर्संना मिळत आहे. कमीत कमी किंमतीत युजर्संना बेस्ट स्मार्टफोन देण्यासाठी चढाओढ लागली आहे. आपले प्रोडक्ट इतर कंपन्यांच्या तुलनेत चांगले आहे, हे युजर्संना पटवून देण्यासाठी कंपन्या वेगवेगळे स्मार्टफोन लाँच करीत आहेत. यावर्षी २०२० मध्ये अनेक कंपन्यांचे अनेक स्मार्टफोन लाँच करण्यात आले आहेत. जबरदस्त फीचर्स आणि आकर्षक किंमतीमुळे अनेक स्मार्टफोन चर्चेत राहिले. काही स्मार्टफोनमध्ये जबरदस्त बॅटरी बॅकअप दिला आहे तर काही कंपन्यांनी आपल्या स्मार्टफोनमध्ये जबरदस्त कॅमेरा दिला आहे. कमी किंमतीत चांगले फीचर्स देण्याचा प्रयत्न कंपनीकडून करण्यात आला आहे. जे बेस्ट सेगमेंटमधील फीचर ऑफर करतात. त्या सर्व स्मार्टफोनचे खास वैशिष्ट्ये म्हणजे या फोनची किंमत १० हजार रुपयांपेक्षा कमी आहे.
Moto G8 Power Lite या फोनची किंमत ८ हजार ९९९ रुपये आहे. या फोनमध्ये 5000mAh मोठी बॅटरी दिली आहे. या फोनमध्ये ४ जीबी रॅम आणि ६४ जीबी इंटरनल स्टोरेज देण्यात आला आहे. फोनमध्ये १६ मेगापिक्सलचा प्रायमरी कॅमेरा दिला, २ मेगापिक्सलचा कॅमेरा, तर सेल्फीसाठी ८ मेगापिक्सलचा कॅमेरा दिला आहे. या फोनची विक्री २९ मे पासून फ्लिपकार्टवर सुरू होणार आहे. Moto G8 Power Lite मध्ये कंपनीने रियर पॅनेलवर ट्रिपल कॅमेऱ्याचा सेटअप दिला आहे. मोटोरोलाचा हा सर्वात लेटेस्ट स्मार्टफोन आहे.
चीनची कंपनी शाओमीच्या रेडमीचा हा स्मार्टफोन आहे. या फोनमध्ये २ जीबी रॅम आणि ३२ जीबी इंटरनल स्टोरेज देण्यात आला आहे. या फोनमध्ये ६.२२ इंचाचा डिस्प्ले दिला आहे. या फोनमध्ये १३ मेगापिक्सलचा प्लस २ मेगापिक्सलचा ड्युअल कॅमेरा सेटअप दिला आहे. फोनला चार्ज करण्यासाठी फोनमध्ये ५००० एमएएच क्षमतेची बॅटरी दिली आहे. या फोनची विक्री सुरू आहे. या फोनला फ्लिपकार्टवरून केवळ ७ हजार २९८ रुपयांत खरेदी करता येवू शकते. ज्यांचे बजेट कमी असेल अशा युजर्संसाठी हा फोन चांगला आहे.
बजेटमधील स्मार्टफोन ज्यांना हवा आहे. त्यांच्यासाटी टेक्नो स्पार्क ५ हा एक चांगला पर्याय होऊ शकतो. टेक्नो स्पार्ट ५ स्मार्टफोनमध्ये ६.६ इंचाचा डॉट इन डिस्प्ले दिला आहे. या फोनमध्ये १३ मेगापिक्सलचा क्वॉड एवन कॅमेरा सेटअप दिला आहे. २ जीबी रॅम प्लस ३२ जीबी इंटरनल स्टोरेज च्या या फोनमध्ये 5000mAh क्षमतेची बॅटरी दिली आहे. या फोनची किंमत फक्त ७ हजार ९९९ रुपये आहे. ज्यांना स्वस्तात मस्त स्मार्टफोन हवा आहे. अशा लोकांसाठी हा फोन चांगला पर्याय ठरू शकतो.
चीनची कंपनी रियलमीने यावर्षी या फोनला फेब्रुवारी महिन्यात लाँच केले होते. फोनमध्ये ३२ जीबी स्टोरेजच्या या फोनची किंमत केवळ ७ हजार ९९९ रुपये आहे. या फोनमध्ये १२ मेगापिक्सलचा प्लस २ मेगापिक्सलचा ड्यूअल रियर कॅमेऱ्याचा सेटअप दिला आहे. या फोनचे खास वैशिष्ट्ये म्हणजे या फोनमध्ये ५००० एमएएच क्षमतेची बॅटरी देण्यात आली आहे. रियलमीच्या या फोनला भारतात चांगला प्रतिसाद मिळालेला आहे.
रियलमीच्या नार्जो १० ए स्मार्टफोनची विकी कंपनीच्या अधिकृत वेबसाइटवरून २२ मे पासून दुपारी १२ वाजता सुरू होणार आहे. या स्मार्टफोनमध्ये ३ जीबी रॅम दिला आहे. याफोनमध्ये १२ मेगापिक्सलचा प्लस २ मेगापिक्सलचा प्लस २ मेगापिक्सलचा ट्रिपल रियर कॅमेऱ्याचा सेटअप दिला आहे. फोनमध्ये 5000mAh क्षमतेची बॅटरी दिली आहे. या स्मार्टफोनची किंमत ८,४९९ रुपये आहे. या फोनमध्ये फ्रंटला ५ मेगापिक्सलचा सेल्फी कॅमेरा दिला आहे.
Gadget News in Marathi: Computer, Mobile, Auto News in Marathi | Maharashtra Times
