देशातील अव्वल टेलिकॉम कंपनी रिलायन्स जिओ आपल्या युजर्ससाठी डेटा आणि अनलिमिटेड कॉलिंगचे जबरदस्त प्लान लागोपाठ घेऊन येत आहे. टेलिकॉम कंपन्यांच्या जास्तीत जास्त फोक ग्राहक जोडण्यावर आहे. कंपन्या सध्या ग्राहकांना आकर्षित करण्यासाठी डेटा आणि कॉलिंग सोबत दुसरे फायदे सुद्धा देत आहे. यात वेगवेगळ्या लोकांच्या हिशोबाप्रमाणे जिओने ५ वेगवेगळे रिचार्ज प्लान आणले आहेत. जिओच्या या प्लानमध्ये जिओ ते जिओ फ्री कॉलिंग आहे, परंतु, अन्य नेटवर्कवर कॉल करण्यासाठी प्लान्समध्ये नॉन जिओ मिनिट सुद्धा मिळत आहे. मुकेश अंबानी यांच्या मालकीची रिलायन्स जिओ टेलिकॉम क्षेत्रात आल्यापासून ग्राहकांसाठी नवीन-नवीन प्लान आणत आहेत. या सर्व प्लानवर आकर्षिक ऑफर देत आहे. जिओच्या या पाच प्लानसंबंधी जाणून घेऊ….
जर एका दिवसाचा डेटा देणाऱ्या प्लानमध्ये जिओचा हा सर्वात स्वस्त प्लान आहे. जिओचा १४९ रुपयांच्या प्लानमध्ये युजर्संना दररोज १ जीबी डेटा दिला जातो. या प्लानची वैधता २४ दिवसांची आहे. म्हणजेच, युजर्संना या प्लानमध्ये एकूण २४ जीबी टेडा मिळतो. प्लानमध्ये जिओ ते जिओ कॉलिंग एकदम फ्री मिळते. तर, अन्य नेटवर्कवर कॉलिंग करण्यासाठी या प्लानमध्ये ३०० नॉन जिओ मिनिट मिळतात. जिओच्या या प्लानमध्ये दरदिवशी १०० एसएमएस पाठवण्याची सुविधा दिली जाते. जिओ अॅप्सचे कॉम्पिमेंट्री सब्सक्रिप्शनची सुविधा दिली जाते.
दरदिवशी २ जीबी डेटा देणारा हा जिओचा सर्वात स्वस्त प्लान आहे. जिओच्या या २४९ रुपयांच्या प्लानमध्ये युजर्संना डेली २ जीबी डेटा मिळतो. या प्लानची वैधता २८ दिवसांची आहे. म्हणजेच या प्लानमध्ये एकूण ५६ जीबी डेटा मिळतो. जिओच्या या प्लानमध्ये जिओ ते जिओ फ्री कॉलिंग, दुसऱ्या नेटवर्कवर कॉलिंगसाठी १ हजार नॉन जिओ मिनिट मिळतात. या प्लानमध्ये युजर्संना दररोज १०० एसएमएस पाठवण्याची सुविधा मिळते. तसेच, जिओ अॅप्सच कॉम्प्लिमेंट्री सब्सक्रिप्शन मिळते.
जिओच्या या ५५५ रुपयांच्या रिचार्ज प्लानमध्ये दरदिवशी १.५ जीबी डेटा युजर्संना दिला जातो. या प्लानची वैधता ८४ दिवसांची आहे. प्लानमध्ये युजर्संना एकूण १२६ जीबी डेटा दिला जातो. जिओच्या या प्लानमध्ये जिओवरून अन्य जिओच्या नेटवर्कवर कॉल करण्यासाठी फ्रीमध्ये अनलिमिटेड कॉलिंग करण्याची सुविधा आहे. तर अन्य दुसऱ्या नेटवर्कवर कॉलिंग करण्यासाठी या प्लानमध्ये ३००० नॉन जिओ मिनिट मिळतात. प्लानमध्ये युजर्संना दरदिवशी १०० एसएमएस पाठवण्याची सुविधा दिली जाते. तसेच या प्लानमध्ये जिओ अॅप्सचे कॉम्प्लिमेंट्री सब्सक्रिप्शन दिले जाते.
रिलायन्स जिओच्या या प्लानमध्ये युजर्संना दररोज ३ जीबी डेटा दिला जातो. जिओचा हा ९९९ रुपयांचा प्रीपेड रिचार्ज प्लानची वैधता ८४ दिवसांची आहे. या प्लानमध्ये एकूण २५२ जीबी युजर्संना मिळतो. प्लानमध्ये दररोज १०० एसएमएस पाठवण्याची सुविधा दिली जाते. प्लानमध्ये जिओवरून कोणत्याही नंबरवर फ्री कॉलिंगची सुविधा मिळते. तर अन्य दुसऱ्या नेटवर्कवर कॉल करण्याासाठी या प्लानमध्ये ३००० नॉन जिओ मिनिट दिले जातात. या प्लानमध्ये जिओ अॅप्सच कॉम्प्लिमेंट्री सब्सक्रिप्शन सुद्धा दिले जाते.
जिओच्या या २३९९ रुपयांच्या प्लानमध्ये दररोज २ जीबी डेटा दिला जातो. या प्लानचे खास वैशिष्ट्ये म्हणजे यात युजर्संना एका वर्षाची वैधता मिळते. या प्लानमध्ये युजर्संना एकूण ७३० जीबी डेटा दिला जातो. या प्लानमध्ये डेली १०० SMS दिले जातात. जिओ टू जिओ कॉलिंग एकदम फ्री मिळते. तर दुसऱ्या नेटवर्कवर कॉलिंग करण्यासाठी या प्लानमध्ये युजर्संना १२ हजार नॉन जिओ मिनिट दिले जातात. जिओच्या या प्लानमध्ये जिओ अॅप्सचे कॉम्प्लिमेंट्री सब्सक्रिप्शन युजर्संना मिळतात.
Gadget News in Marathi: Computer, Mobile, Auto News in Marathi | Maharashtra Times
