चीनमधील करोना व्हायरचे संकट आता संपूर्ण जगाचे संकट बनले आहे. जगभरात करोना संसर्ग कमी होताना दिसत नाही. त्यामुळे भारतासह जगभरातील लोकांमध्ये करोनाविषयी प्रचंड भीती निर्माण झाली आहे. करोनावर मात करण्यासाठी जगभरातील शासन-प्रशासन पूर्ण ताकदीनिशी प्रयत्न करीत आहे. काही अंशी त्याला यश येताना दिसत आहे. परंतु, अशा परिस्थितीतही काही लोकांकडून करोना संकटाचा गैरफायदा घेतला जात आहे. व्हॉट्सअॅप युजरवर हॅकिंगची टांगती तलवार उभी आहे. काही हॅकरने स्वतः व्हॉट्सअॅप टेक्निकल टीमचा भाग बनवून युजर्संसोबत फ्रॉड करीत आहेत. या स्कॅम अंतर्गत एका फेक व्हॉट्सअॅप अकाउंट्सची मदत घेतली जात आहे. या अकाउंटला हॅकर व्हॉट्सअॅपची टेक्निकल टीमचे अधिकृत कम्यूनिकेशन सोर्स सांगत आहेत. मागच्याच आठवड्यात देशभरात सीबीआयने अलर्ट जारी केला होता. सीबीआयने या अलर्टमध्ये राज्यातील पोलीस, आणि कायद्याचे संरक्षण करणाऱ्या संस्थांना एका मेलवेअर (व्हायरस) वर खास नजर ठेवण्याच्या सूचना केल्या होत्या. काय आहे हा सर्व प्रकार जाणून घ्या…
WABetaInfo ने शेअर केलेल्या एका ट्विटमध्ये म्हटले की, हॅकर्संनी आपले जाळे पसरले आहे. सायबर गुन्हेगार असलेले लोक तुमच्याकडे व्हेरिफिकेशन कोड मागतात. युजर्संना या फ्रॉडची माहिती कळू नये यासाठी ते आपल्या प्रोफाईल पिक्चरला व्हॉट्सअॅपचा लोगो लावतात. व्हॉट्सअॅपची बातमी आणि अपडेट्सला ट्रॅक करणारी वेबसाईट WABetaInfo ने या स्कॅम संदर्भातील एक ट्विट शेअर केले आहे. त्यात फेक मेसेजचा जाणीवपूर्वक उल्लेख केला आहे. जे हॅकर व्हॉट्सअॅप युजर्संना पाठवत आहेत.
एका ट्विटर युजरने शेअर केलेल्या या मेसेजमध्ये स्पॅनिश भाषेत त्यांच्याशी आपली ओळख व्हावी यासाठी ६ अंकाचा व्हेरिफिकेशन कोड व्हेरिफाईड करण्यासाठी पाठवला जातो. हा व्हेरिफिकेशन कोड युजर्संना एसएमएसवरून पाठवला जातो. व्हेरिफिकेशन कोडच्या मदतीने युजर आपला व्हॉट्सअॅप अकाउंट ला अन्य कुठल्या तरी डिव्हाईसला अॅक्टिव करू शकातात. या कोड व्हॉट्सअॅप अकाऊंटला हॅकर्सला वाचवण्यासाठी मदत करीत असल्याचे निदर्शनात आले आहे.
डीपी मध्ये व्हॉट्सअॅप लोगो पाहून युजर्स सहज विश्वास ठेवतात. लोगो आहे म्हणजे हे खरेच व्हॉट्सअपमधील कुणी तरी आहे, असे समजून युजर्सं हॅकर्सच्या जाळ्यात फसतात. युजर्संना अलर्ट करण्यासाठी WABetaInfo ने सांगितले की, कधीही व्हॉट्सअॅप युजर्संना मेसेज करीत नाही. जर कधी असे झाले तर लोगो आणि अकाउंटच्या नावाने एक ग्रीन व्हेरिफाईड इंडिकेटर सुद्धा दिसते. या ठिकाणी युजर्संनी समजून घेतले पाहिजे की, फेसबुकची मालकी असलेली व्हॉट्सअॅप कंपनी कधीच युजर्संना कोणत्याही प्रकारचा डेटा किंवा व्हेरिफिकेशन कोड मागत नाही.
सध्या हॅकर्स जो फ्रॉड करीत आहेत. तो पहिल्यांदा होत आहे, असे नाही. याआधीही असा फ्रॉड हॅकर्संकडून झालेला आहे. व्हॉट्सअॅप युजर्सच्या डेटावर व्हेरिफिकेशन कोडवरून अटॅक केला जातो. करोना संसर्गाचा धोका वाढलेला असल्याने या संदर्भात माहिती मिळवण्यासाठी व्हॉट्सअॅपचा वापर आधीच्या तुलनेत जास्त वाढला आहे. त्याचाच गैरफायदा हॅकर्स घेत आहेत. युजर्सच्या व्हेरिफिकेशन कोडला अॅक्सेस करण्याचा प्रयत्न करीत आहेत. हॅकर्सने ब्रिटनमध्ये युजर्ससोबत फ्रॉड करण्यासाठी स्वतःला त्याचा मित्र असल्याचे सांगितले व व्हेरिफिकेश कोड जाणून घेण्याचा प्रयत्न केला.
Gadget News in Marathi: Computer, Mobile, Auto News in Marathi | Maharashtra Times
