स्मार्टफोन आणि फोन विक्रीसाठी भारतीय बाजार देश-विदेशांतील कंपन्यासाठी खास आहे. त्यामुळे विदेशातील कंपन्यांची भारतीय बाजारात आपला स्मार्टफोन विक्री करण्यासाठी चढाओढ सुरू असते. चीनच्या सर्वात जास्त मोबाइल कंपन्या भारतात दर महिन्याला आपले स्मार्टफोन लाँचिंग करतात. त्या स्मार्टफोनला भारतात जबरदस्त प्रतिसाद मिळतोय. भारतीय बाजारात सध्या 5000mAh बॅटरीची क्षमता असलेले अनेक स्मार्टफोन उपलब्ध आहेत. फोनची बॅटरी जितकी जास्त तितके चांगले असते. काही जण तर फोनची बॅटरी पाहून स्मार्टफोन खरेदी करीत असतात. भारतात 5000mAh ते 6000mAh पर्यंतचे स्मार्टफोन लाँच करण्यता आलेले आहे. परंतु, आता चीनची स्मार्टफोन कंपनी Oukitel ने 10,000mAh क्षमतेचा फोन बाजारात आणला आहे. या स्मार्टफोनचे नाव आहे. Oukitel WP6 जाणून घ्या. या फोनविषयी…
हा फोन IP69K सर्टिफिकेशन सोबत येतो. तसेच या फोनमध्ये 10,000mAh ची एक पोर्टेबल बॅटरी मिळते. कंपनीचा दावा आहे की, सिंगल चार्ज केल्यानंतर ही बॅटरी ३० दिवस स्टँडबाय बॅटरी लाईफ देवू शकते. ३० दिवसांचा स्टँडबाय स्मार्टफोनला मिळणे खूपच मोठी गोष्ट आहे. आतापर्यंतची बॅटरी बॅक अप हा इतका कधीच नव्हता. या फोनला १० वॅट फास्ट चार्जिंगचा सपोर्ट देण्यात आला आहे. ही बॅटरी फुल चार्जिंग करण्यासाठी ३ तास लागतात, असे कंपनीने सांगितले आहे.
या फोनमध्ये ४८ मेगापिक्सलचा प्रायमरी सेन्सरचा ट्रिपल रियर कॅमेऱ्याचा सेटअप दिला आहे. प्रायमरी सेन्सर शिवाय रियर कॅमेऱ्यात ५ मेगापिक्सलचा डेप्थ सेन्सर आणि एक २ मेगापिक्सलचा सेन्सर दिला आहे. या फोनमध्ये सेल्फी प्रेमीसाठी यात एक १६ मेगापिक्सलचा फ्रंट कॅमेरा दिला आहे. या ट्रिपल कॅमेऱ्यात एएन, फ्लॅश, अल्ट्रा क्लिअर मे कॅमेरा दिला आहे. जबरदस्त बॅटरी सोबत जरबदस्त कॅमेरा दिला आहे. त्यामुळे हा फोन ग्राहकांच्या पसंतीस पडण्याची शक्यता आहे. चीनच्या जवळपास सर्वच कंपन्या मोबाइलमध्ये जास्त कॅमेरा आणि बॅटरी लाईफ जास्त देण्याचा प्रयत्न करीत आहेत.
या फोनचे खास वैशिष्ट्ये म्हणजे यात आतापर्यंतची सर्वात मोठी बॅटरी दिली आहे. जगभरातील कंपन्या ४००० एमएएच किंवा ५००० एमएएच क्षमतेची बॅटरी देत असताना या कंपनीने मात्र जवळजवळ दुप्पट १० हजार एमएएच क्षमतेची बॅटरी दिली आहे. तसेच या फोनमध्ये ६.३ इंचाचा फुल एचडी प्लस डिस्प्ले दिला आहे. प्रोटेक्शनसाठी कॉर्निंग गोरीला ग्लास दिला आहे. तसेच या फोनमध्ये Helio P70 ऑक्टाकोर प्रोसेसर, 6GB रॅम आणि १२८ जीबी स्टोरेज दिला आहे.
चीनची स्मार्टफोन कंपनी Oukitel ने या फोनला मार्चमध्ये ग्लोबल बाजारात लाँच केले होते. या फोनची किंमत २३९.९९ डॉलर म्हणजेच १८ हजार रुपये आहे. कंपनीने या फोनमध्ये १० हजार एमएएच क्षमतेची बॅटरी दिली असून आणखी एक दावा केला आहे. जगातील हा पहिला फोन (लवकर न तुटणार, वॉटर आणि डस्ट प्रूफ) आहे. तसेच हा पहिला स्मार्टफोन आहे. ज्या फोनमध्ये 10,000 mAh ची बॅटरी आणि ४८ मेगापिक्सलचा कॅमेरा दिला आहे, असे कंपनीने सांगितले.
Gadget News in Marathi: Computer, Mobile, Auto News in Marathi | Maharashtra Times
