Top Smartphones Under 15000: देशात कमी किमतीतील वस्तूंप्रमाणेच गॅजेट्स आणि स्मार्टफोन्सना देखील अधिक मागणी आहे. कमी किमतीत महागड्या स्मार्टफोन्स सारखे फीचर्स मिळावे अशी अनेकांची इच्छा असते. १० ते १५ हजारांमध्ये येणारे स्मार्टफोन्स युजर्सना विशेष आवडतात. आजकाल या रेंजमध्ये देखील एकापेक्षा एक जबरदस्त फीचर्स पाहायला मिळतात. तुम्ही सुद्धा १५ हजार रुपयांच्या बजेटमध्ये नवीन 5G मोबाईल शोधत आहात का? आज आम्ही तुमच्यासोबत या किमतीच्या श्रेणीत येणाऱ्या काही मॉडेल्सची सविस्तर माहिती शेयर करणार आहो. जे तुमच्या बजेटमध्येही बसतील आणि वैशिष्ट्यांच्या बाबतीतही सुपरहिट आहेत. १५ हजारांच्या बजेटमध्ये येणाऱ्या या स्मार्टफोन्सची लिस्ट पाहा आणि ठरवा यातील तुमच्यासाठी बेस्ट स्मार्टफोन कोणता. लिस्टमध्ये Redmi Note 10 T 5G, Moto G 52, Poco M4 5G, Moto G3 1 सारख्या भन्नाट स्मार्टफोन्सचा समावेश आहे.
Redmi Note 10T 5G
Redmi Note 10T 5G : फोनमध्ये ६.५ -इंचाचा फुल-एचडी+ डिस्प्ले आहे जो ९० Hz अ‍ॅडॉप्टिव्ह रिफ्रेश रेट ऑफर करतो. हा बजेट फोन MediaTek Dimensity 700 octa-core चिपसेट सह येतो. फोनच्या मागील पॅनलवर तीन रियर कॅमेरे देण्यात आले आहेत. २ मेगापिक्सल मॅक्रो कॅमेरा आणि २ मेगापिक्सल डेप्थ कॅमेरा ४८ मेगापिक्सल प्रायमरी कॅमेरासह उपलब्ध असेल . फोनमध्ये १८ वॅट फास्ट चार्ज सपोर्टसह ५००० mAh बॅटरी देण्यात आली आहे. किंमतीबद्दल बोलायचे झाल्यास, या Redmi मोबाइल फोनची किंमत १३,४९९ रुपये आहे.
Moto G51 5G
Moto G51 5G: भारतातील किंमतीबद्दल बोलायचे झाल्यास, या Motorola फोनच्या 4 GB रॅम आणि 64 GB स्टोरेज वेरिएंटची किंमत १२,२४९ रुपये आहे. ग्राहक हा बजेट फोन ब्राइट सिल्व्हर आणि इंडिगो ब्लू कलरमध्ये खरेदी करू शकतील. फोनमध्ये ६.८ -इंचाचा फुल-एचडी प्लस मॅक्स व्हिजन डिस्प्ले आहे जो १२० Hz रिफ्रेश रेट ऑफर करतो. स्पीड आणि मल्टीटास्किंगसाठी या हँडसेटमध्ये क्वालकॉम स्नॅपड्रॅगन 480 प्रोसेसर देण्यात आला आहे. फोनच्या मागील पॅनलवर ट्रिपल रिअर कॅमेरा सेटअप आहे. फोनमध्ये २० W फास्ट चार्ज सपोर्टसह ५००० mAh बॅटरी देण्यात आली आहे.
वाचा : 5G: रॉकेटच्या स्पीडने चालेल इंटरनेट ! Vodafone-Idea देणार ३.७ Gbps पर्यंत 5G स्पीड, पाहा डिटेल्स
Moto G31
Moto G31: Moto G31 स्मार्टफोनमध्ये ६.४ इंच एमोलेड फुल एचडी+ डिस्प्ले दिला असून, ब्राइटनेस ७०० निट्स, वाइब्रेंट आणि कॉन्ट्रॅस्ट ४०९ PPI आहे. फोनमध्ये मीडियाटेक हीलियो जी ८५ चिपसेट सपोर्ट दिला असून, फोन अँड्राइड ११ ओएसवर काम करतो. यात ट्रिपल रियर कॅमेरा सेटअप दिला असून, याचा मुख्य कॅमेरा ५० मेगापिक्सल आहे. यात ८ मेगापिक्सल अल्ट्रा वाइड कॅमेरा, २ मेगापिक्सल डेप्थ कॅमेरा दिला आहे. तसेच, फ्रंटला सेल्फीसाठी १३ मेगापिक्सलचा कॅमेरा मिळतो. फोनची किंमत १०, ४९९ रुपये आहे.
Poco M4 5G
Poco M4 5G : या Poco स्मार्टफोनच्या 4 GB RAM आणि 64 GB स्टोरेज वेरिएंटची किंमत १२,९९९ रुपये आहे, ६ GB RAM सह १२८ GB स्टोरेज देणारे मॉडेल १४,९९९ रुपयांना खरेदी करता येईल. Poco फोनमध्ये ९० Hz रिफ्रेश रेटसह ६.५ -इंच फुल-एचडी+ LCD स्क्रीन आहे. कॅमेर्‍याबद्दल बोलायचे झाले तर, फोनच्या मागील पॅनलवर दोन रियर कॅमेरे आहेत, ५० मेगापिक्सलच्या प्रायमरी कॅमेरासह २ मेगापिक्सलचा पोर्ट्रेट कॅमेरा सेंसर उपलब्ध असेल. सेल्फीसाठी ८ मेगापिक्सल्सचा फ्रंट कॅमेरा देण्यात आला आहे.
Moto G52
Moto G52: Moto G52 स्मार्टफोनमध्ये २४०० x १०८० पिक्सल रिझॉल्यूशनसह ६.६ इंच फुल एचडी+ एमोलेड डिस्प्ले दिला आहे. याचा रिफ्रेश रेट ९० हर्ट्ज आणि आस्पेक्ट रेशियो २०:९ असून यामध्ये ६ जीबीपर्यंत रॅम आणि १२८ जीबीपर्यंत इंटर्नल स्टोरेज दिले आहे. तसेच, अड्रीनो ६१० GPU सह स्नॅपड्रॅगन ६८० चिपसेटचा सपोर्ट दिला आहे. फोटोग्राफीसाठी यात एलईडी फ्लॅशसह ट्रिपल रियर कॅमेरा सेटअप आहे. Moto G52ची किंमत १४,४९९ रुपये आहे. फोनमध्ये पॉवर बॅकअपसाठी ५००० एमएएचची दमदार बॅटरी दिली असून, जी ३० वॉट फास्ट चार्जिंग सपोर्टसह येते.
Gadget News in Marathi: Computer, Mobile, Auto News in Marathi | Maharashtra Times
