देशातील प्रमुख टेलिकॉम कंपन्या Airtel, Jio, Vodafone Idea (Vi) आणि BSNL या ग्राहकांच्या सुविधेसाठी अनेक शानदार प्लान्स आणत असतात. या कंपन्यांकडे महिन्याभरापासून ते वर्षभराच्या वैधतेसह येणारे अनेक शानदार प्लान्स उपलब्ध आहेत. कंपन्या आपल्या प्लान्समध्ये दररोज १ जीबी, २ जीबी आणि ३ जीबी डेटा देखील ऑफर करतात. तुम्ही जर दिवसाला जास्त इंटरनेट वापर असाल तर दररोज २ जीबी डेटा ऑफर करणारा प्लान तुमच्या फायद्याचा ठरेल. इंटरनेटशिवाय, स्मार्टफोनच्या माध्यमातून कोणतेही काम करू शकत नाही. त्यामुळे तुमच्याकडे फास्ट इंटरनेट ऑफर करणारा रिचार्ज प्लान असणे गरजेचे आहे. Airtel, Jio, Vodafone Idea (Vi) आणि BSNL या चारही कंपन्यांकडे दररोज २ जीबी डेटा ऑफर करणारे शानदार प्लान्स उपलब्ध आहेत. कमी किंमतीत जास्त बेनिफिट्स देणाऱ्या या प्लान्सविषयी सविस्तर जाणून घेऊया.

​BSNL चा दररोज २ जीबी डेटासह येणारा प्लान

bsnl-

सरकारी टेलिकॉम कंपनी BSNL कडे १८७ रुपयांचा शानदार प्रीपेड रिचार्ज प्लान उपलब्ध आहे. या प्लानची वैधता २८ दिवस आहे. या प्लानमध्ये तुम्हाला दररोज २ जीबी डेटा याप्रमाणे एकूण ५६ जीबी डेटा मिळेल. याशिवाय, देशभरात सर्व नेटवर्कवर अनलिमिटेड वॉइस कॉलिंग आणिदररोज १०० मोफत एसएमएसचा देखील फायदा मिळतो. BSNL चा हा प्लान अतिरिक्त बेनिफिट्ससह येतो. यामध्ये तुम्हाला BSNL ट्यू्न्सचा मोफत अ‍ॅक्सेस देखील मिळेल.

वाचा – १०८MP कॅमेरा आणि ६७W चार्जिंगसह Xiaomi च्या ५जी स्मार्टफोनची जबरदस्त एंट्री, पाहा डिटेल्स

​एअरटेलचा ३५९ रुपयांचा प्लान

देशातील दुसरी सर्वात मोठी टेलिकॉम कंपनी असलेल्या Airtel कडे ३५९ रुपये किंमतीचा शानदार प्रीपेड रिचार्ज प्लान उपलब्ध आहे. या प्लानमध्ये तुम्हाला दररोज २ जीबी डेटा याप्रमाणे संपूर्ण कालावधीसाठी एकूण ५६ जीबी डेटा मिळले. या प्लानची वैधता २८ दिवस आहे. यात देशभरात सर्व नेटवर्कवर अनलिमिटेड वॉइस कॉलिंगची सुविधा दिली जात आहे. तसेच, दररोज १०० मोफत एमएसएस देखील मिळतील. या रिचार्जमध्ये Amazon प्राइम व्हिडिओचे मोफत सबस्क्रिप्शन दिले जाते.

​Vodafone Idea चा ३१९ रुपयांचा प्लान

vodafone-idea-

Vodafone Idea कडे ३२९ रुपयांचा प्रीपेड रिचार्ज प्लान उपलब्ध आहे. वीआयच्या या प्लानची वैधता संपूर्ण एक महिना म्हणजेच ३१ दिवस आहे. यामध्ये तुम्हाला दररोज २ जीबी डेटा याप्रमाणे एकूण ६२ जीबी डेटा दिला जातो. या प्रीपेड प्लानमध्ये देशभरात सर्व नेटवर्कवर अनलिमिटेड वॉइस कॉलिंग आणि दररोज १०० मोफत एसएमएस देखील दिले जातात. Vodafone Idea च्या या प्लानमध्ये बिंज ऑल नाइट, विंकेड डेटा रोलओव्हरची देखील सुविधा मिळते.

वाचाः Flipkart वर सुरू आहे खास सेल, महागडे स्मार्टफोन्स मिळतायत स्वस्तात; पाहा लिस्ट

​Jio चा २४९ रुपयांचा प्लान

jio-

Jio कडे देखील दररोज २ जीबी डेटासह येणारा शानदार प्लान उपलब्ध आहे. या प्लानची किंमत २४९ रुपये असून, याची वैधता २३ दिवस आहे. यामध्ये तुम्हाला एकूण ४६ जीबी डेटा दिला जाईल. डेली डेटा समाप्त झाल्यास ६४ केबीपीएसच्या स्पीडने इंटरनेट वापरू शकता. याशिवाय, अनलिमिटेड वॉइस कॉलिंग आणि दररोज १०० मोफत एसएमएस देखील दिले जातात. या प्लानमध्ये जिओ अ‍ॅप्सचे देखील मोफत सबस्क्रिप्शन मिळेल.

​Jio चा २,८७९ रुपयांचा प्लान

jio-

देशातील सर्वात मोठी टेलिकॉम Jio कडे २,८७९ रुपयांचा रिचार्ज प्लान उपलब्ध आहे. या प्लानची वैधता १ वर्ष म्हणजेच ३६५ दिवस आहे. यामध्ये तुम्हाला दररोज २ जीबी डेटा याप्रमाणे एकूण ७३० जीबी डेटा दिला जातो. याशिवाय, देशभरात सर्व नेटवर्कवर अनलिमिटेड वॉइस कॉलिंगची सुविधा दिली जाते. यात दररोज १०० मोफत एसएमएस देखील मिळतात. प्लानमध्ये जिओ टीव्ही, जिओ सिनेमा, जिओ सिक्योरिटी आणि जिओ क्लाउडचे मोफत सबस्क्रिप्शन मिळेल.

वाचाः स्मार्टफोनवर मोफत पाहू शकता Ind vs Pak क्रिकेट सामना, फक्त करावे लागेल ‘हे’ काम

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here