Smartphone Cooling: गेल्या काही काळात स्मार्टफोनमधील प्रगत तंत्रज्ञानाचा मोठ्या प्रमाणात विकास झाला आहे. यात मोठी रॅम, शक्तिशाली प्रोसेसर आणि शक्तिशाली बॅटरी समाविष्ट आहे. जेव्हा युजर्स नवीन स्मार्टफोन खरेदी करतात. तेव्हा तो खूप स्मूथ चालतो आणि तो वापरण्यातही मजा येते. पण अनेकदा असे दिसून आले आहे की, काही वेळाने मोबाईल गरम होऊ लागतो आणि मोबाईलमध्ये गरम होण्याची समस्या यायला लगते. अशात तुमचा फोन तापायला लागल्यावर त्यासाठी काय करायला हवे, असे अनेकजण सांगत असतात. पण तुमचा फोन गरम होण्‍यास सुरुवात झाल्यास काय करणे टाळावे आणि अशा कोणकोणत्या गोष्टी आहेत ज्या अजिबात करू नये हे आज आम्ही सांगणार आहो. खालील ५ पॉईंट्स केवळ तुमचा फोन आणि त्याची बॅटरी सुरक्षित वापरासाठी देखील उपयुक्त ठरतील. चला तर मग जाणून घेऊया सविस्तर.

Check battery

check-battery

बॅटरी कशी आहे ते नक्की तपासा: अनेका प्रकरणामध्ये फोन गरम होण्यामागचे कारण देखील त्याची बॅटरी असते. बॅटरी कमकुवत असतानाही फोन गरम होतो. अशा परिस्थितीत फोनची बॅटरी तपासणे चांगले आहे आणि जर काही दोष दिसला तर, तर बॅटरी लगेच बदलून घ्या. लक्षात घेण्यासारखी गोष्ट म्हणजे फोनची बॅटरी स्वतःहून काढण्याचा प्रयत्न करू नका आणि त्यासाठी जवळच्या मोबाइल सेवेची मदत घ्या. कारण, बॅटरी योग्य पद्धतीने काढण्यात आली नाही. तर बॅटरी खराब होऊ शकते, आणि तुमचे नुकसान होऊ शकते.

वाचा :फक्त ६,२०० रुपयांत घरी येईल ‘हा’ Redmi स्मार्टफोन, फोनमध्ये मजबूत बॅटरी आणि वॉटरड्रॉप नॉच डिस्प्ले, पाहा ऑफर

Smartphone In Pocket

smartphone-in-pocket

स्मार्टफोन खिशात ठेवू नका: मोबाईल फोनने लोकांना वायरलेस बनवले आहे. म्हणजेच लँडलाइन किंवा कॉम्प्युटरप्रमाणे स्मार्टफोन वापरण्यासाठी कोणत्याही एका जागी बसण्याची गरज नाही. फोन नेहमी युजर्सकडे असतो आणि तो ठेवण्यासाठी बेस्ट ठिकाण म्हणजे पॅन्टचा खिसा. पण, याकडेही लक्ष देणे महत्वाचे आहे. जेव्हाही तुमचा फोन गरम होत असेल तेव्हा तो खिशात ठेवू नका. शक्य असल्यास, तो थंड ठिकाणी ठेवा. ते चांगले होईल/ याकडे दुर्लक्ष केल्यास तुम्हाला मोठे नुकसान सहन करावे लागू शकते

Avoid Charging

avoid-charging

फोन चार्ज करू नका: फोन हीटिंगची समस्या सहसा काही निवडक कामांदरम्यानच समोर येते. अनेकदा फोन चार्ज होत असताना, फोन सुरू होतो. तसेच मोबाईलवर गेम खेळत असताना त्यावेळी फोन गरम होतो. त्याचप्रमाणे, मोठा व्हिडिओ किंवा व्हॉईस कॉलिंग दरम्यान, फोन अनेक वेळा गरम होतो. अशा स्थितीत जेव्हा जेव्हा फोन गरम होतो, तेव्हा त्या वेळी फोन कधीही चार्जवर ठेवू नये. याकडे लक्ष देणे गरजेचे आहे. जोपर्यंत फोन गरम आहे तोपर्यंत अजिबात चार्ज करू नका.

वाचा: धमाकेदार ऑफर ! Vivo V25 Pro, Vivo V75 सह ‘या’ स्मार्टफोनवर जबरदस्त ऑफ, लगेच डील पाहा

Dont Use Phone

dont-use-phone

फोन वापरू नका : स्मार्टफोन गरम होत असेल तर त्याचा वापर बंद करा. Background मध्ये चालणारे सर्व अॅप्स बंद करा. जर ब्लूटूथ किंवा वायफाय चालू असेल तर ते अक्षम करा. जर कोणत्याही प्रकारची फाईल डाउनलोड होत असेल तर ती काही काळ थांबवा. आवश्यक नसल्यास, मोबाइल डेटा देखील बंद करा. एकंदरीत, तुमचा फोन गरम असताना, फोनचे तापमान सामान्य होईपर्यंत तो वापरू नका. अन्यथा तुमच्या स्मार्टफोनचे कायमस्वरूपी नुकसान होऊ शकते. तसेच, तुम्हाला आर्थिक फटका देखील सहन करावा लागू शकतो.

वाचा: OMG ! ही कंपनी पैशांसाठी हॅक करते Android-iOS डिव्हाइसेस, हॅकिंगसाठी आकारते ‘इतके’ कोटी, पाहा डिटेल्स

Mobile Covers

mobile-covers

मोबाईल कव्हर वापरणे टाळा : अँड्रॉइड स्मार्टफोन असो किंवा Apple आयफोन. युजर्स त्यांच्या फोनला सुंदर आणि स्टायलिश दिसण्यासाठी खूप आकर्षक मोबाईल कव्हर लावतात. लँडस्केप, सुपरहिरोपासून सेल्फीपर्यंतचे मोबाइल कव्हर खूप लोकप्रिय आहेत आणि काही मुली तर अगदी त्यांच्या फोनवर मांजरी आणि सशांचे नाक-कान असलेले कव्हर सुद्धा वापरतात. पण, तुम्हाला माहितेय का ? जेव्हाही तुमचा मोबाईल फोन गरम होत असेल, तेव्हा त्यावरील कव्हर ताबडतोब काढून टाकणे आवश्यक आहे. फोन नॉर्मल होतपर्यंत कव्हर वापरणे टाळा.

वाचा: आता घर बसल्या मिळेल DL, Aadhaar Card, Voter ID, PAN Card, फॉलो करा सोप्या स्टेप्स

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here