Semiconductor Chip Project : सध्या देशात महाराष्ट्रातून गुजरातला गेलेल्या सेमीकंडक्टर चिप प्रोजेक्टची चर्चा आहे. यासंदर्भात नुकताच गांधीनगर येथे एक कार्यक्रम आयोजित करण्यात आला होता. गुजरातचे मुख्यमंत्री भूपेंद्र पटेल आणि केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांच्या उपस्थितीत मंगळवारी गुजरातमधील गांधीनगर येथे झालेल्या एका कार्यक्रमात या सामंजस्य करारावर स्वाक्षऱ्या करण्यात आल्या. यावेळी गुजरात सरकारचे शिक्षण, विज्ञान आणि तंत्रज्ञान मंत्री जितूभाई वाघानी उपस्थित होते. भागीदारीचे अभिनंदन करत पंतप्रधान नरेंद्र मोदी म्हणाले की, हा सामंजस्य करार भारताच्या सेमीकंडक्टर उत्पादन महत्त्वाकांक्षेला गती देण्यासाठी एक महत्त्वाचे पाऊल आहे. हे सहायक उद्योगांसाठी एक मोठी परिसंस्था निर्माण करेल आणि आमच्या उद्योगांना देखील मदत करेल. हा सेमीकंडक्टर चिप प्रोजेक्ट नक्की काय आहे आणि याचा भारताला एकूण कसा आणि काय उपयोग होणार जाणून घेऊया.

Vedanta Group

vedanta-group

गुजरातमध्ये गुंतवणूकदारांसाठी अनुकूल वातावरण: वेदांता समूहाचे अध्यक्ष अनिल अग्रवाल म्हणाले की, गुजरातमध्ये गुंतवणूकदारांसाठी अनुकूल वातावरण आणि मजबूत उत्पादन पायाचा मोठा इतिहास आहे. याशिवाय, राज्याने अलीकडेच जाहीर केलेल्या Semiconductor धोरणासह भांडवल, जमीन, पाणी आणि वीज यातील उत्कृष्ट सवलतींमुळे त्यांच्या कंपनीसाठी गुजरात हा एक अतिशय आकर्षक पर्याय बनला आहे. PM मोदींच्या नेतृत्वाखालील भारत सरकारने इलेक्ट्रॉनिक वस्तूंच्या आयातीवरील अवलंबित्व कमी करण्यासाठी अनेक महत्त्वपूर्ण पाऊले उचलली आहेत, ज्यात इलेक्ट्रॉनिक, सेमीकंडक्टर उत्पादने आणि घटकांच्या देशांतर्गत उत्पादनाला प्रोत्साहन देणे समाविष्ट आहे.

वाचा Validity Plans: ३ महिन्यांपर्यंत रिचार्जचे टेन्शन विसरा, Jio च्या ‘या’ प्लानमध्ये अनलिमिटेड कॉलिंगसह, भरपूर डेटा सुद्धा

Semiconductor Devices

semiconductor-devices

सेमीकंडक्टर उत्पादन क्षेत्र: केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी सेमीकंडक्टर उत्पादनाच्या क्षेत्रात स्वावलंबन साध्य करण्यासाठी पंतप्रधान नरेंद्र मोदी यांचे दूरदृष्टी म्हणून या गुंतवणुकीचे महत्त्व सांगितले. ते म्हणाले की गुजरातसाठी ट्रिलियन डॉलरची डिजिटल राष्ट्रीय अर्थव्यवस्था निर्माण करण्याच्या दिशेने हे योग्य पाऊल आहे.. अनेक महत्वाच्या डिव्हाईसमध्ये सेमीकंडक्टरचा वापर होतो. रोजच्या वापरातील कार, मोबाईल फोन आणि इतर इलेक्ट्रॉनिक्स उपकरणांमध्ये सेमीकंडक्टर वापरले जातात. महत्वाचे म्हणजे सध्या ते भारतात तयार होत नाही.

वाचा :ब्रँडेड 5G स्मार्टफोसाठी खूप खर्च करण्याची नाही गरज, Flipkart Sale मध्ये स्वस्तात मिळणार POCO F4 5G

Big Investment

big-investment

मुख्यमंत्री भूपेंद्र पटेल यांनी स्वागत केले : गुजरातचे मुख्यमंत्री भूपेंद्र पटेल यांनी राज्यातील वेदांत आणि फॉक्सकॉन समूहाच्या या मोठ्या गुंतवणुकीचे स्वागत केले. ते म्हणाले की, त्यांच्या सरकारला १ वर्ष पूर्ण झाल्याच्या दिवशी येणारी ही मोठी गुंतवणूक गुजरातमधील धोरणात्मक स्थिरता आणि धोरणात्मक पाठबळ, उत्तम प्रशासन आणि गुजरातमध्ये उत्कृष्ट पायाभूत सुविधांच्या उपलब्धतेची साक्ष आहे. मुख्यमंत्र्यांनी सरकारकडून सर्वतोपरी मदत करण्याचे आश्वासन दिले आणि वेदांत आणि फॉक्सकॉन समूहाचे गुजरातमध्ये स्वागत केले जाईल, असे सांगितले.

वाचा :पहिल्याच सेलमध्ये आणखी स्वस्त मिळतोय बजेट फोन iQOO Z6 Lite 5G, पाहा ऑफर डिटेल्स

Semiconductor Fab Unit

semiconductor-fab-unit

सेमीकंडक्टर फॅब युनिट अर्थव्यवस्थेसाठी गेम चेंजर ठरेल: सप्लाय चैनमध्ये भारताला जागतिक भागीदार बनवण्याबरोबरच, सेमीकंडक्टर फॅब युनिट अर्थव्यवस्थेसाठी गेम चेंजर ठरेल. यामुळे युवकांसाठी मोठ्या प्रमाणात रोजगाराच्या संधी निर्माण होतील आणि राज्याला महसूल मिळेल. प्रस्तावित सेमीकंडक्टर मॅन्युफॅक्चरिंग फॅब युनिट वेफर साइज ३०० mm सह २८ nm टेक्नॉलॉजी नोड्सवर काम करेल आणि डिस्प्ले मॅन्युफॅक्चरिंग युनिट लहान, मध्यम आणि मोठ्या Applications साठी जनरेशन ८ डिस्प्ले तयार करेल. एकूण १,५४,००० कोटी रुपयांच्या गुंतवणुकीपैकी ९४,००० कोटी रुपये डिस्प्ले मॅन्युफॅक्चरिंग युनिट उभारण्यासाठी, तर ६०,००० कोटी रुपये सेमीकंडक्टर मॅन्युफॅक्चरिंग प्लांटसाठी खर्च केले जातील.

Unit Setup

unit-setup

लवकरच युनिट स्थापन केले जाईल: विजय नेहरा म्हणाले की, फॉक्सकॉन सध्या प्लांटच्या स्थापनेसाठी गुजरातमधील विविध ठिकाणांचे इव्हॅल्युएशन करत आहे आणि येत्या काही आठवड्यांत ठिकाण निश्चित केले जाईल. त्यानंतर येत्या दोन वर्षात हा प्लांट उत्पादन सुरू करेल. अधिकाऱ्याने सांगितले की एकूण १,५४,००० कोटी रुपयांच्या गुंतवणुकीपैकी ९४,००० कोटी रुपये डिस्प्ले मॅन्युफॅक्चरिंग युनिटच्या स्थापनेसाठी खर्च केले जातील, तर सेमीकंडक्टर उत्पादन प्रकल्पासाठी ६०,००० कोटी रुपये गुंतवले जातील. या दोन एमओयू मुळे गुजरातमध्ये १.५४ लाख कोटी रुपयांहून अधिक गुंतवणूक होईल आणि राज्यात सुमारे १ लाख नवीन रोजगाराच्या संधी निर्माण होतील.

वाचा : पहिल्याच सेलमध्ये आणखी स्वस्त मिळतोय बजेट फोन iQOO Z6 Lite 5G, पाहा ऑफर डिटेल्स

Production In India

production-in-india

चिप उत्पादन भारतात सुरू होईल: गुजरात सरकारच्या वतीने एमओयूवर स्वाक्षरी करणारे विज्ञान आणि तंत्रज्ञान विभागाचे राज्य सचिव विजय नेहरा म्हणाले की, स्वतंत्र भारताच्या इतिहासातील ही आतापर्यंतची सर्वात मोठी कॉर्पोरेट गुंतवणूक आहे. नेहरा यांनी सांगितले की, जगात वापरल्या जाणाऱ्या चिप्सपैकी आठ टक्के चिप्स तैवानमध्ये तयार होतात आणि त्यानंतर चीन आणि जपान या देशांचा क्रमांक येतो. आगामी प्लांट भारतात सेमीकंडक्टर चिप उत्पादनाची सुरुवात करेल. भारतासाठी ते महत्त्वाचे आहे, कारण, त्यामुळे भारताला इतर देशांवर मोठ्या प्रमाणावर अवलंबुन राहण्याची गरज राहणार नाही.

वाचा: ब्रँडेड 5G स्मार्टफोसाठी खूप खर्च करण्याची नाही गरज, Flipkart Sale मध्ये स्वस्तात मिळणार POCO F4 5G

Gadget News in Marathi: Computer, Mobile, Auto News in Marathi | Maharashtra Times

LEAVE A REPLY

Please enter your comment!
Please enter your name here